Նախագծի մասին
Երբ սկսում ես զբաղվել բիզնեսով, անհրաժեշտ է դառնում մնացյալ բոլոր երևույթները սովորելու գործընթացին զուգահեռ զբաղվել բիզնես կրթությամբ։ Իսկ ինչպիսի՞ բիզնես կրթություն առանց այն մարդկանց, որոնք բիզնես կրթությունը հասցրել են նոր մակարդակի, նոր գործիքներ են ներդրել այդ ոլորտում և հասանելի են այն դարձրել բոլորին։
Ի տարբերություն ավանդական կրթաձևերի՝ բիզնես կրթությունը տալիս է փորձ՝ ստանալու հմտություններ և որ ամենակարևորը՝ կատարելագործվելու բիզնեսում։
Կարևորելով բիզնես կրթության տարածումը և գնահատելով վերջինիս անհրաժեշտությունը՝ #skillteam-ը 2017 թվականին նախաձեռնեց WORLD’S TOP SPEAKERS IN ARMENIA նախագիծը։
Համաշխարհային հայտնի բանախոսներ, իրենց գործի վարպետներ և խոշորագույն նախագծերի ղեկավարներ շուտով արդեն 3-րդ տարին անընդմեջ ժամանում են Հայաստան՝ կիսվելու իրենց փորձով, խորհուրդներով և բիզնեսի մասին իրենց պատկերացումներով։
Լեգենդը Հայաստանում
2017 թվականի հոկտեմբերի 28-ին առաջին անգամ անցկացվեց World’s Top Speakers in Armenia նախագծի առաջին միջոցառումը։ Մենք պատիվ ունեցանք Հայաստանում հյուրընկալելու կանադական ծագումով ամերիկացի խոսնակ, ինքնազարգացման մասին ավելի քան 70 գրքերի հեղինակ Բրայան Թրեյսիին։
Միջոցառման մասնակից դարձան ավելի քան 700 անձինք 90 ընկերություններից և թվով 7 երկրներից։ Բրայան Թրեյսին միջոցառման մի քանի ժամերի ընթացքում կիսվեց բիզնեսի հաջողության ուղին գտնելու, ճիշտ նպատակներ սահմանելու և կատարելագործվելու մասին։
ԿՈՏՐԻ՛Ր ԿԱՂԱՊԱՐՆԵՐԸ, ԴԱՐՁԻ՛Ր “OUTBOX THINKING” ՄԻՋՈՑԱՌՄԱՆ ՄԱՍՆԱԿԻՑ
ՍԵՐԳԵՅ ՕԶԵՐՈՎ, ՄԱՐՏԻ 2, 2019, ԵՐԵՎԱՆ
«Նպատակնե՛ր դիր քո առաջ, անընդհատ սովորի՛ր և կատարելագործվի՛ր։ Սովորի՛ր այն, ինչ քեզ հետաքրքրում է, այնքան սովորի՛ր, մինչև մարդիկ կասեն, որ դրա մասին ահագին բան գիտես։ Բայց մինչև ինչ-որ մեկը քեզ չասի, որ դու իսկապես տիրապետում ես այդ թեմային, շարունակի՛ր սովորել։ Երբեմն ամիսներ ու տարիներ կարող են պահանջվել՝ մշակելու համար քո իրական գիտելիքը։ Դա նորմալ է, մի բան որ սովորում ես, ամբողջ կյանքում մնում է քեզ։ Նոր գիտելիք յուրացնելը նման է տան հիմքը գցելուն. ինչքան ավելի խորը գցես հիմքը, այնքան ավելի մեծ հաջողության կարող ես հասնել»։
Այսպիսին էր Թրեյսիի խորհուրդը մեր առաջին միջոցառման մասնակիցներին։
Կյել Նորդստրյոմը 2018 թ․ սեպտեմբերի 7-ին Երևանում կայացած “Business in FAANG style” ինսայթ սեսիայի ժամանակ
Ամենախարիզմատիկ խոսնակը
Հետևելով Թրեյսիի՝ անընդհատ սովորելու խորհրդին՝ արդեն 2018 թվականի սեպտեմբերի 7-ին #skillteam-ն իրագործեց World’s Top Speakers in Armenia մեգանախագծի երկրորդ միջոցառումը։ Երբ խարիզմային գումարվում է ամենահետաքրքիր փորձն ու գիտելիքը յուրօրինակ կերպով մատուցելու ունակությունը, բեմի վրա ստացվում է իրական պայթյուն՝ Կյել Նորդստրյոմի «Business In FAANG Style» ինսայթ սեսիայի տեսքով։
Ավելի քան 300 մասնակիցներ հնարավորություն ունեցան ներկա գտնվելու այդ միջոցառմանը։ Խոսելով արդի խնդիրների, ապագայի, արհեստական բանականության մասին՝ շվեդ տնտեսագետը ներկայացրեց այն մարտահրավերները, որոնք ծառանալու են մարդկության առաջ մոտակա տարիների ընթացքում։
«Մենք չենք կարող կանխորոշել ապագան, սակայն մենք կարող ենք ուրվագծել մեծամասշտաբ թրենդերը և բավական հստակ նկարագրել դրանք՝ ելնելով այսօրվա իրավիճակից ու պատկերից»։- ասում էր «Funky Business» համաշխարհային բեսթսելլերի հեղինակը։
2019-ը՝ սպասարկման տարի
Հետևելով Կյելի խորհրդին՝ #skillteam-ը 2019 թվականի ապրիլի 27-ին իրագործելու է WORLD’S TOP SPEAKERS IN ARMENIA նախագծի թվով երրորդ միջոցառումը։
Շուկան անընդհատ զարգանում է։ Տասնյակ կազմակերպություններ ամեն օր լքում են շուկան, դադարում գործունեություն ծավալելուց։ Հարյուրավորները նույն օրվա ընթացքում զբաղեցնում են նրանց տեղը։ Ինչպե՞ս «ողջ մնալ» այդ պայքարում, ինչպե՞ս պահպանել կազմակերպության սեփական դեմքը, ի՞նչ անել ոչ միայն շուկայում մնալու, այլև առաջատար դառնալու համար։
Տարիների ընթացքում այդ հարցի պատասխանը վերածվել է աքսիոմի։ Այն է՝ անհրաժեշտ է տրամադրել որակյալ սպասարկում։ Թվում է՝ բոլորը գիտեն, թե ինչ գործիքներ կիրառել որակյալ սպասարկում տրամադրելու համար, ինչ է ցանկանում հաճախորդը և ինչպես բավարարել նրա պահանջմունքները։ Բայց իրականում շատ են լինում դեպքերը, երբ հաճախորդը, միևնույնն է, դժգոհ է սպասարկումից։ Հաճախորդի վստահությունը շահելը, նույնիսկ ամենափոքր դետալներում նրան զարմացնելն ու անհրաժեշտ ապրանքը կամ ծառայությունը անթերի մատուցելը սպասարկման ամենակարևոր բաղկացուցիչներն են։ Այդ ամենում թերանալը կարող է ճակատագրական դառնալ ընկերության համար։
Հաշվի առնելով որակյալ սպասարկման անհրաժեշտությունը և նշանակալիությունը ոչ միայն Հայաստանում, այլև ողջ աշխարհում, skill.am-ը 2019-ը թվականը հայտարարել է սպասարկման տարի։
Սպասարկումն անհրաժեշտություն է, գիտելիք, փորձ, հմտություններ և ամենակարևորը՝ գրագետ և սիրելի հարաբերություններ հաճախորդի հետ։
Հաճախորդների սպասարկման գուրուն Հայաստանում
2019 թվականի ապրիլի 27-ին Հայաստանում հանդես կգա USA Today, Time և Entrepreneur ամսագրերի վարկածով «Հաճախորդների սպասարկման գուրու» Ջոն Շոուլը։ Նա 7 բեսթսելլերների հեղինակ է, որոնց թվում են “Тhe Customer is Boss” և “Achieving Excellence Through Customer Service” գրքերը: Իր յուրաքանչյուր բեսթսելլերի միջոցով Ջոն Շոուլը ևս մեկ անգամ ընդգծում է սպասարկման կարևորությունը ժամանակակից աշխարհում:
Շոուլը նաև “Service Quality Institute”-ի հիմնադիրն է: Այդ կազմակերպությունը աշխարհում առաջին և միակ ընկերությունն է, որը մասնագիտացած է հե՛նց սպասարկման ոլորտում:
Խոսելով սպասարկման կարևորության մասին Ջոն Շոուլը առաջին հերթին նշում է կոմունիկացիան։ Սպասարկումը հաղորդակցությունը և խնդիրների մեծ մասը սպասարկման ոլորտում առաջանում է հենց այն ժամանակ, երբ ինչ-որ մեկը ինչ-որ բան չի իմանում, իմանում է ուշ կամ այդպես էլ չի հասկանում։ Ըստ էության, դա հաղորդակցության խնդիրն է։ Այդ խնդիրները կարելի է և անհրաժեշտ է լուծել բաց հաղորդակցության և պատասխանատվության մշակույթի միջոցով։
Սպասարկման գուրուն խորհուրդ է տալիս հաճախորդների հետ հաղորդակցությունը, կապը նրանց հետ ձևավորել «կախարդական բառերի» միջոցով։ Եվ կարևոր է, ըստ մասնագետի, որ այդ «կախարդական բառերը»՝ գովասանքը և շնորհակալությունը, հնչեն ոչ միայն արտաքին հաճախորդների հետ հաղորդակցման ժամանակ, այլև՝ աշխատողների։ Աշխատողները կարող են ստանալ բարձր աշխատավարձ, ապահովված լինել սոցիալական փաթեթներով, սակայն կատարված աշխատանքի համար գովաբանական խոսքերը և պարզապես շնորհակալությունը տեղին և կարևոր են միշտ։
Եվս մեկ շատ կարևոր խորհուրդ, որ կարելի է առանձնացնել Ջոն Շոուլի գործունեությունից այն է, որ սպասարկման ռազմավարը հատուկ կարևորություն է տալիս առաջին գծի աշխատակիցների կողմից որոշումների կայացմանը։ Սպասարկման առաջնագծում աշխատողները մարդիկ են, որոնք անմիջական շփում ունեն հաճախորդների հետ, ճանաչում են նրանց «ցավերը», գիտեն նրանց հուզող խնդիրներն ու հարցերը։ Եվ կարևոր է, որպեսզի այն որոշումները, որ կայացվելու են հե՛նց հաճախորդների խնդիրները լուծելիս, իրագործվեն սպասարկողների կողմից։ Դա բիզնես գործընթացներին կհաղորդի արագություն և հարցի առավել ճշգրիտ դիտարկում։
Ապրիլի 27-ին կայանալիք միջոցառման ժամանակ Ջոն Շոուլը խոսելու է ռազմավարություններից, որոնք որոշիչ են դառնում շուկայում թե՛ հաճախորդների, թե՛ աշխատակիցների տեսանկյունից։ Ներկայացնելու է այն «գաղտնի զենք» հանդիսացող ռազմավարությունները, դրանց կառուցման ձևերն ու միջոցները, որոնք հարվածում են հաճախորդների խնդիրներին և լուծում դառնում նրանց համար։ Համաշխարհային հզոր կորպորացիաների փորձը սպասարկման ոլորտում, հաճախորդակենտրոն կորպորատիվ մշակույթը, հաճախորդների բավարարվածության գնահատումը և ամենակարևորը՝ wow-սպասարկում տրամադրելը Ջոն Շոուլի սեմինարի առանցքային կետերն են լինելու։
Բաց մի՛ թողեք 2019 թվականի ամենահետաքրքիր և արդիական միջոցառումներից մեկին մասնակցելու հնարավորությունը։ Կիրառե՛ք սպասարկման ռազմավարություններ և հաղթե՛ք շուկայում անթերի սպասարկմամբ:
