«Գամարջոբա, Սաքարթվելո»,- ասում ենք մենք և ողջունում ջերմ ու բարեկամական Թբիլիսիին՝ հետաքրքիր և անմոռանալի ճամփորդության ակնկալիքով։
Թբիլիսին խորը հետք է թողնում բոլոր նրանց սրտերում, ովքեր գոնե մեկ անգամ այցելում են այդ քաղաք։ Իսկ երբ այդ քաղաքում հայտնվում ես ոչ թե միայնակ, այլ մարդկանց հետ, ովքեր ողջ տարին քո կողքին են, ում հետ միևնույն նպատակին ես հետևում և ում հետ հավատում ես մեկ գաղափարի, ճամփորդությունը դառնում է լեցուն նոր մտքերով ու տպավորություններով։
Վրաստանը հրաշալի բնությամբ, անմոռանալի համայնապատկերով, ճարտարապետության հնամյա հուշարձաններով և ժամանակակից լուծումներով ու անչափ համեղ խոհանոցով երկիր է։ Այն պահանջում է սիրել և վերադառնալ տասնյակ անգամներ շարունակ։
2019-ի սկիզբը նշանավորելու, նոր գաղափարներով զինվելու և իսկապես հզոր տարի անկացնելու նպատակով #skillteam-ը ամանորյա տոներին Թբիլիսիում էր։ Տոնական երեք օրերի ընթացքում մեր թիմը փորձեց վրացական լուսավոր մայրաքաղաքից քաղել այն ամենը, ինչը ողջ տարվա ընթացքում կլիցքավորի թիմին և դրական էմոցիաներ կհաղորդի։
Ժամանակակից գրասենյակային աշխատակիցները օրվա երրորդ մասը անցկացնում են աշխատավայրում։ Այդ թիվը հավասար է մարդու քնի համար անհրաժեշտ ժամանակահատվածին (լավագույն դեպքում)։ Երբ ողջ տարվա ընթացքում շաբաթվա մեծ մասն անցկացնում ես աշխատավայրում, նույնիսկ ամենասիրելի աշխատանքը սկսում է ձանձրացնել։ Կորպորատիվ հանգիստը աշխատանքից զատ ժամանակը հետաքրքրացնելու և աշխատանքին է՛լ ավելի մեծ եռանդով վերադառնալու լավագույն տարբերակներից մեկն է։ Կորպորատիվ հանգստի շնորհիվ ավելի են ամրապնդվում հարաբերությունները ղեկավարների և աշխատակիցների միջև, բոլորը մի քանի անգամ ավելի մեծ մոտիվացիա են ձեռք բերում և հնարավորություն են ստանում ոչ ֆորմալ միջավայրում քննարկելու և վերլուծելու առաջիկա աշխատանքային պլաններն ու արդյունավետության բարձրացման ուղիները։
ԲԱՐՁՐԱՑՐԵ՛Ք ՁԵՐ ԹԻՄԻ ԿՈՐՊՈՐԱՏԻՎ ՈԳԻՆ
ՄԱՍՆԱԿՑ՛ԵՔ ՍԵՐԳԵՅ ՕԶԵՐՈՎԻ “OUTBOX THINKING” ՄԻՋՈՑԱՌՄԱՆԸ
Ինչու՞ Վրաստան։ Իրականում Վրաստանը զարմանալի երկիր է։ Այն ոչ միայն հիանալի բնություն ունի, այլև անկրկնելի ջերմ միջավայր։ Վերջինս յուրահատուկ կերպով փոխանցվում է աշխատակիցներին և նրանց հարաբերություններին։ Իսկ կորպորատիվ ոգին բարձրացնելու իրապես գործող տարբերակներից մեկը հե՛նց ջերմ և ընկերական մթնոլորտի ստեղծումն է։ Եվ, ի վերջո, չէ՞ որ Վրաստանը համեղ գինիների և ուրախ երգերի երկիր է։ Իսկ ի՞նչն է մարդկանց, հատկապես՝ նույն գաղափարով ոգեշնչված աշխատակիցներին մտերմացնում, եթե ոչ լավ երաժշտությունն ու իսկական վրացական գինին։
#skillteam-ն արդեն վերադարձել է ջերմ ու սիրելի դարձած Թբիլիսիից՝ լիցքավորված դրական էներգիայով, նոր նախաձեռնություններ սկսելու պատրաստակամությամբ և Ձեզ համար լավագույնը մատուցելու ցանկությամբ։ Սակայն մինչ նախաձեռնություններին ու խելահեղ նախագծերին անցնելը՝ ցանկանում ենք Ձեզ հետ կիսվել Թբիլիսիի այն 3 վայրերով, որոնք մեզ ամենից շատ են տպավորել և ուր խորհուրդ ենք տալիս այցելել Ձեր թիմով, որպեսզի հետո, համոզված ենք, մեծագույն նվաճումների գրանցեք։
Առաջին վայրը, ուր խորհուրդ կտանք այցելել, Վրաստանի Գրողների տունն է։ Այն 20-րդ դարի սկզբին ստեղծված շինություն է, որը կառուցել է վրացական կոնյակի արտադրության հիմնադիր Դավիդ Սարաջիշվիլին։ 2008 թվականից ի վեր՝ շինությունը բաց է և ներկայացնում է Վրաստանի մշակույթը՝ լի ավանդույթներով և ժամանակակից լուծումներով։
Թբիլիսիի օպերայի և բալետի թատրոնը երկրորդ վայրն է, ուր խորհուրդ կտանք անպայման այցելել։ Այն Վրաստանի խոշորագույն երաժշտական թատրոնն է, որ տեղակայված է Թբիլիսիի հե՛նց կենտորնում՝ Ազատության հրապարակում։ Այստեղ տարիներ շարունակ հանդես են եկել ոչ միայն վրացի երաժիշտներ և արտիստներ, այլև համաշխարհային արտիստներ, այդ թվում՝ նաև Հայաստանից։ Թատրոնի շենքը յուրահատուկ ճարտարապետական լուծումներ և ձևավորում ունի։
Վրաստանի Մետաքսի թանգարանը երրորդ վայրն է, որ անհրաժեշտ է այցելել, եթե հայտնվել եք Թբիլիսում։ Թանգարանի շինությունը 19-րդ դարի վրացական ճարտարապետության անչափ գեղեցիկ նմուշ է, իսկ շինության ներսում ներկայացված մետաքսի ցուցադրությունը և պատմությունը լրացնում են արտաքին գեղեցկությունը։
Թբիլիսին անընդհատ ու անընդհատ բացահայտելու քաղաք է։ Իսկ թիմով զբոսանքը քաղաքում նորի ու հնի համադրությունը զգալու, սովորելու և լավագույնով «վարակվելու» հիանալի հնարավորություն։
Համոզված ենք, որ #skillteam-ը մի օր կրկին կվերադառնա այս քաղաք, միգուցե արդեն ոչ միայն ամենաջերմը ստանալու, այլև նորը փոխանցելու նպատակով։
Լիցքավորվելով անմոռանալի հանգստով ու զինվելով նոր ու խելահեղ մտքերով՝ մենք վերադարձել ենք և պատրաստ ենք անել ամեն հնարավորը Ձեզ համար ամենահետաքրքիր միջոցառումները կազմակերպելու և կիսվելու համար։
Կարևորելով սպասարկումը և հաճախորդների հետ հարաբերությունները բիզնեսում՝ 2019-ը skill.am-ը հայտարարել է սպասարկման տարի։ Եվ տարվա գլխավոր բիզնես իրադարձությունը կայանալու է ապրիլի 27-ին WORLD’S TOP SPEAKERS IN ARMENIA մեգանախագծի շրջանակներում։ Հայաստանում հանդես է գալու «հաճախորդների սպասարկման գուրու» Ջոն Շոուլը «Սպասարկման ռազմավարություններ։ Ինչպե՞ս ձեռք բերել մրցակցային առավելություն բարձրակարգ սպասարկման շնորհիվ» սեմինարով։
Եկե՛ք 2019-ը գաղափարներով ու միմյանց հետ մեր փորձով կիսվելով հզոր դարձնենք միասին։
Կիսվե՛ք գրառմամբ, եթե եղել եք Թբիլիսիում կամ պատրաստվում եք այցելել։
