«Ես շատ մեծ եմ օդապարիկներով թռչելու համար. իմ տարիքում արդեն կարելի է միայն երազել տիեզերք թռչելու մասին: Virgin Galactic-ում վաճառվել է արդեն 900 տոմս»
Ռիչարդ Բրենսոնը հանդիսանում է #SGF2017-ի խոսնակներից, այդ առիթով ուրախ ենք ներկայացնելու Օսկար Հարթմանին Ռիչարդի տված հարցազրույցի մի մասը:
– Ռիչարդ, ինչպե՞ս դարձաք բարեգործ: Ե՞րբ գիտակցեցիք, որ ցանկանում եք տալ, նվիրաբերել:
– Նախկինում շատ ու շատ ընկերությունների թվում էր, որ միայն կառավարությունների և սոցիալական ընկերությունների պարտքն է լուծել այս աշխարհի բոլոր խնդիրները: Եվ ես նույնպես այդպես էի կարծում: Սակայն սխալվում էի, մինչև որ առաջին անգամ չվճռեցի օգնել կարիքավոր մարդկանց:
– Այն լայֆհաքերը, որ Ձեզ ամենից շատն են օգնել:
– Ես միշտ գրի եմ առնում այն գաղափարներն ու մտքերը, որ հայտնվում են իմ գլխում հանդիպումների և խորհրդակցությունների արդյունքում:
Կոլեգաներին և ընդհանրապես մարդկանց անհրաժեշտ է ոչ միայն լուրջ հարցերում մեր հետևից տանել, այլ նաև նրանց պետք է ցույց տալ, թե ինչպես կարելի է երբեմն ուրախանալ և պարզապես կտրվել ամեն ինչից:
Միշտ գտե՛ք ժամանակ ինքներդ Ձեզ համար: Ես արթնանում եմ առավոտյան ժամը 5-ին: Եվ գտնում եմ ժամանակ թե՛ թենիս խաղալու, թե՛ սերֆինգով զբաղվելու և թե՛ անպայմանորեն աշխատելու համար:
Բավական է մտածեք, թե միայն Դուք կարող եք լուծել ընկերության խնդիրները: Նման պարագայում, կլինեք մշտապես գերզբաղված, սակայն արդյունքում ոչնչի էլ չեք հասնի:
– Ի՞նչ խորհուրդ կտայիք 20-ամյա Ռիչարդ Բրենսոնին:
– Իմ սիրած արտահայտությունը՝ «թքած ամեն ինչի վրա. ստանձնի՛ր և արա՛»:
