Մրցակցության և ճգնաժամային երևույթների խստացման պայմաններում անհրաժեշտ է հաջողությամբ կառավարել և իրականացնել ընկերության ծրագրերը: Անգամ մեկ նախագծի ձախողումը, նախատեսված բյուջեի գերազանցումը, վերջնաժամկետների խախտումը՝ կարող է մեծապես ազդել բիզնեսի և նախագծի կառավարման ղեկավարների հեղինակության վրա:
Նախագծերի կառավարումը ենթադրում է պլանավորում, վերահսկում և կառավարում նախագծի բոլոր տեսանկյուններով։ Դրան է վերաբերում աշխատակիցների մոտիվացիան, նախագծի նպատակին հասնելու համար՝ ժամանակի, ծախսերի, որակի, ծավալի, օգուտների և ռիսկերի թիրախային ցուցանիշները։
Շատ հաճախ է պատահում, երբ նախագծերի ղեկավարները մեծ ոգևորությամբ սկսում են նոր ծրագիր, դա բնորոշ է ոչ միայն նախագծի ղեկավարներին, այլ նաև ամբողջ թիմին: Սակայն հարկավոր է մեկընդմիշտ հիշել, որ ընկերության անկայուն եկամուտների դեպքում նախատեսվող ծրագիրը պետք է բերի օգուտներ, որոնք պետք է լինեն չափվելի:
Նախագծերի կառավարման տարբեր մեթոդների և կառուցվածքների հիման վրա գոյություն ունեն մասնակի ընթացակարգային մոդելներ, որոնք ուղղված են նախագծերի կառավարման գործընթացի ուղղությունների ընտրությանը։ Այդ մոդելները ձևավորվում են հիմք ընդունելով հետևյալ հատկանիշները․
- Կազմակերպության կամ հաճախորդների պահանջները
- Նախագծի տևողությունը (օրինակ՝ աշխատանքային օրերի թիվը)
- Նախագծի բարդությունը, որը տարբերակում են ըստ սոցիալական և տեխնիկական բարդության,
- Նախագծի սեգմենտը, որի դեպքում օգտագործվում է հատուկ արտադրական ընթացակարգային մոդելը
- Նախագծերի այլ ձևեր, որոնց դեպքում դասակարգվում են, օրինակ, զարգացման նախագիծ, կրթական նախագիծ, սպասարկման նախագիծ և այլն։
Իրական Project Manager լինելու համար բավարար չէ տիրապետել նախագծերի կառավարման մեկ տեսության: Դեռ կան soft և hard skill-ներ առանց որոնց՝ ոչ մի տեղ!!
