CRM-ը հապավում է՝ Customer (հաճախորդ) Relationship (հարաբերություն) Management (կառավարում)։ Բառացիորեն՝ հաճախորդների և Ձեր աշխատակիցների հետ հարաբերությունների կառավարում։

Իսկ փաստացիորեն ի՞նչ է CRM-ը։

Այն ծրագիր է, որն օգնում է օպտիմալացնել վաճառքների բաժնի աշխատանքը և կազմակերպության ներքին գործընթացները, ինչը վերջին հաշվով բերում է եկամուտների մեծացման:

Վիճակագրության տվյալների համաձայն CRM համակարգերի ներդրումը մեծացնում է բիզնեսի տարեկան շահույթը ավելի քան 35 %-ով, և սա դեռ ամենը չէ: Նմանատիպ համակարգի ներդրումը տարածվում է Ձեր ընկերության բոլոր ներքին գործընթացների վրա, քանի որ զգալիորեն նվազեցնում է ընկերության ծախսերը.

• աշխատակիցների ուսուցում,
• սխալների ուղղում,
• հաղորդակցություն և այլն:

Ինչպե՞ս է դա աշխատում: Եկե՛ք պարզենք միասին:

Պատկերացնենք ընկերության վաճառքների բաժինը: Դուք ունեք ապրանք կամ ծառայություն, որը ցանկանում եք վաճառել, ունեք վաճառքի գծով մենեջերներ և հաճախորդ, ով գնում է այդ ապրանքը: Հետևաբար կա մենեջեր և հաճախորդ հաղորդակցություն. նամակագրություններ, հեռախոսազանգեր, հիշեցումներ, պատվերների հաստատում, պայմանագրերի կնքում, վճարումներ, ավարտուն և ընթացիկ գործարքներ ․․․

Մտապահելը, թե ում է անհրաժեշտ զանգահարել և երբ, պարզապես անհնար է:

Եվ այստեղից սկսվում են խնդիրները․ բազմաթիվ հաճախորդներ, վաճառքի մենեջերներ և գործընթացներ, որոնց վերաբերյալ ինֆորմացիան կարող է կորել ամենաանհարմար պահին: Արդյունքում՝ ժամանակի վատնում և գումարների կորուստ։

Ոչ վաղ 90-ականներին նման խնդիրները լուծվում էին այսպես․ մենեջերներն ունեին տետր (ավելի ժամանակակիցները՝ աղյուսակներ Excel-ում), որտեղ գրվում էին հաճախորդների կոնտակտները, հետագայում զանգեր կատարելու համար: Ցավոք, կան շատ ընկերություններ, որ մինչ օրս շարունակում են աշխատել 90-ականների սխեմայով՝ կորցնելով հաճախորդներին, շահույթը, իսկ ավելի հաճախ՝ վաճառքի մենեջերներին հաճախորդների ողջ բազայի հետ միասին: Նրանք պարզապես չգիտեն այն հնարավորությունների մասին, որ ընձեռում է CRM-ը: Տարիներ առաջ ստեղծած աշխատանքային համակարգը չի կարող լինել «աշխատող», քանի որ այսօր Դուք մրցակցում եք նոր համակարգեր ներդրած ընկերությունների հետ։

Եթե ցանկանում եք հստակ պատկերացնել, թե ինչ դրական արդյունքներ կարող է տալ CRM համակարգի ներդնումը Ձեր բիզնեսում ապա դիմեք S N Pro ընկերություն՝ զանգահարելով 060 707570 հեռախոսահամարով․ Կմշակենք CRM համակարգի անհատական առաջարկ Ձեզ համար, կիրականացնենք համակարգի ներդրումը, աշխատակիցների ուսուցումը և տեխնիկական աջակցությունը։ 

CRM համակարգի հետ աշխատանքը դրականորեն է ազդում վաճառքների բաժնի վերահսկողության վրա և կարող է նվազեցնել մենեջերների չարդարացված ծանրաբեռնվածությունը։ Ամենօրյա գործընթացների մեծ մասը (պայմանագրերի, հաշիվների, առևտրային առաջարկների ձևակերպում) կարելի է ավտոմատացնել և չծախսել դրա վրա աշխատակիցների թանկարժեք ժամանակը։ Ծրագիրը պահպանում է բոլոր հաճախորդների և գործարքների մասին տեղեկատվությունը, ինչպես նաև վերլուծությունը, վիճակագրությունը և հաշվետվությունները, որոնք կառուցվում են տվյալների մուտքագրման պահից սկսած։

CRM-ի շնորհիվ Դուք կարող եք․

• Տեսնել Ձեր ամբողջ կոմունիկացիան մեկ տեղից և վարել այն (Facebook, Insatgram, Vkontakte, Viber և այլն)
• Ավտոմատացնել ներքին բիզնես-գործընթացները (սահմանել առաջադրանքները, նշանակել հանդիպումներ, կատարել մեյլինգներ և վերահսկել աշխատանքների կատարումը),
• Մշակել պատրաստի սցենարներ (օրինակ՝ տվյալները լրացնելուց հետո ուղարկել ավտոմատ էլ․ նամակ/հաղորդագրություն և ավտոմատ բացել առաջադրանք վաճառքի մենեջերի համար )
• Ունենալ խմբավորած հաճախորդների բազա
• Իրականացնել բոլոր գործարքների ավելի արդյունավետ կառավարում,
• Հասկանալ՝ որ փուլում է գտնվում գնորդներից յուրաքանչյուրը,
• Չափելի դարձնել յուրաքանչյուր մենեջերի կատարած աշխատանքի ծավալը և ծանրաբեռնվածությունը,
• Հետազոտել գնորդի կողմից պատվերների չեղակման կամ ծառայություններից հրաժարվելու պատճառները,
• Ստեղծել հարմարավետ պայմաններ ինչպես Ձեր աշխատակիցների, այնպես էլ Ձեր գնորդների համար։ Կազմակերպել գնորդ-վաճառող փոխհարաբերության երկկողմանի պարզեցված և արդյունավետ համակարգ։

Սակայն սա էլ դեռ ամենը չէ։ Շատ ժամանակակից CRM-համակարգեր ներգրավված են այլ ծրագրերի կողմից ևս, որոնք Դուք օգտագործում եք Ձեր բիզնեսում․ օրինակ՝ կորպորատիվ փոստը, 1С-ն և այլ օգտակար ծառայություններ։

Անհրաժե՞շտ է արդյոք Ձեր բիզնեսին CRM-համակարգ

Այո, եթե․

• Ամեն օր Ձեր աշխատակիցները կատարում են բազմաթիվ առաջադրանքներ և գործարքներ, որոնց մի մասը կարող է կորել, մոռացվել, կամ իրականացվել սահմանված ժամանակից դուրս։
• Դուք չեք տիրապետում Ձեր ընկերությունում վաճառքների բաժնի կողմից իրականացվող գործընթացների ողջ ինֆորմացիային։
• Մեկ ապրանք կամ ծառայություն վաճառելը խլում է Ձեզանից ավելի շատ ժամանակ, քան հարկն է։
• Ձեր աշխատակիցները աշխատում են ոչ միայն Ձեզ մոտ գրասենյակում, այլև այլ քաղաքներում կամ եթե ցանկանում եք այլ մասնաճյուղեր բացել։
• Առկա է բարձր մրցակցային շուկա, և ուշ արձագանքելով հաճախորդների ցանկություններին՝ Դուք կորցնում եք նրան։
• Դուք ակտիվ կերպով առաջ եք մղում Ձեր ընկերությունը համացանցում, օգտագործում եք բազմաթիվ համակարգեր և հետևում եք վերլուծությանը։