Ձեզ ենք առաջարկում out-of-the-box՝ կաղապարներ կոտրող 5 գործիք, որոնք կօգնեն տրամադրել wow-սպասարկում և փոխել նույնիսկ ամենապահանջկոտ հաճախորդի կարծիքը։
1. Զգացեք Ձեզ, ինչպես տանը
Դիտարկե՛ք բիզնեսը որպես «տուն», իսկ հաճախորդներին՝ որպես հյուրերի։ Հհեռախոսով, էլեկտրոնային փոստով կամ անձնապես, ողջունե՛ք հաճախորդներին որպես հյուրերի։ Եթե ընկերությունն ունի խանութ, և անընդհատ հաճախորդներ են գալիս, աշխատակիցները պետք է միանգամից բարևեն նրանց ողջույնի խոսքով, որը կավարտվի «Խնդրում ենք, զգացեք Ձեզ ինչպես տանը» արտահայտությամբ։ Եթե զանգում է պոտենցիալ հաճախորդը, ջերմորեն ողջունե՛ք նրան «Ես այնքան ուրախ եմ, որ Դուք զանգահարեցիք» արտահայտությամբ։ Եթե հաճախորդը կամ պոտենցիալ հաճախորդը կազմակերպության հետ կապվում է էլեկտրոնային հասցեով, ինքներդ պատասխանե՛ք այդ նամակներին և ոչ թե դիմեք ավտոմատ պատասխանող հավելվածների օգնությանը։ Ջերմ և սիրալիր մոտեցումը ստիպում է հաճախորդներին իրենց կարևոր զգալ։
2. Ուղարկե՛ք շնորհակալական բացիկներ
Կարծում եք միայն տասնամյակներ առա՞ջ էին միմյանց բացիկներ և նամակներ ուղարկում։ Ո՛չ։ Ժամանակակից աշխարհի թվային զարգացումը է՛լ ավելի է նշանակալի է դարձնում շնորհակալական բացիկների առկայությունը։ Լավագույն հաճախորդներին միշտ անհրաժեշտ է շնորհակալություն հայտնել, իսկ այդ շնորհակալության լավագույն ձևերից մեկը ձեռագիր բացիկներն են։
Եթե, միևնույնն է, չեք ցանկանում կիրառել ձեռագիր բացիկների տարբերակը, ապա էլեկտրոնային բացիկները կամ նամակները ևս կարող են օգտակար լինել։
3. Ներողությու՛ն խնդրեք
Երբեմն լինում են իրավիճակներ, երբ ամեն ինչ հակառակ է ստացվում, լինում են սխալներ և թերացումներ։ Անհրաժեշտ է արագորեն սկսել կառավարել իրավիճակը և անկեղծ ներողություն խնդրել, երբ հաճախորդը պայքարում է բաց թողնված հանդիպումների, վատ սպասարկման, աշխատանքային այլ թերացումների դեմ։
Սովորեցրե՛ք աշխատողներին սկզբում ներողություն խնդրել, ապա միայն լուծել խնդիրը բոլոր հաճախորդների համար։ Կա մի օգտակար պատասխան, որը հաճախ կարելի է կիրառել սպասարկման ոլորտում․ «Շնորհակալություն, որ հնարավորություն եք տվեցիք մեզ ուղղել մեր սխալը ապագա հաճախորդների համար»։ Մարդիկ սիրում են լինել կարևոր լուծումների մաս, եթե նույնիսկ արդյունքում նրանք տուժողի դերում են։
4. Գաղտնի հաճախորդ
Պարբերաբար կիրառե՛ք «գաղտնի հաճախորդի» մեթոդը։ Ընդունե՛ք աշխատանքի գաղտնի հաճախորդի, որպեսզի կարողանաք իրապես գնահատել սպասարկման որակը։ Մեկ այլ տարբերակ է պարզապես զրուցելը հաճախորդների հետ Ձեր կազմակերպությունում ունեցած նրանց փորձի մասին։ Յուրաքանչյուր հաճախորդի կարծիք և ուղղորդում կարող է է՛լ ավելի հեշտ դարձնել բիզնեսի կառավարման և որակյալ սպասարկում ապահովելու գործընթացը։ Ցանկացած դեպքում, եթե բիզնեսը կապված է հաճախորդի հետ, անհրաժեշտ է այդ գործընթացը անընդհատ հեշտացնել և, ի վերջո, կնքել այդ ամենը ժպիտով։
5. Լսե՛ք
Հաճախորդները կարող են եկամուտների նոր աղբյուրի հիանալի աղբյուր դառնալ։ Գտե՛ք միջոցներ հետադարձ կապ ստանալու համար և ներդրե՛ք այդ գաղափարները Ձեր բիզնեսի մեջ։ Մարդիկ սիրում են զգալ, որ իրենք նշանակալի են։ Շատ են դեպքերը, երբ հաճախորդների ուղղորդումներն ու առաջարկները իսկապես նոր խթան են դառնում կազմակերպության զարգացման համար։ «Լսելու մեթոդի» հիանալի օրինակ է այն, որ կարելի է պարզապես կրկնել այն, ինչ նա ասում է՝ դրանով իսկ ուղղելով ցանկացած թերացում։
Վերը նշված գործիքները սպասարկման ոլորտում առաջատար դառնալու ընդամենը մի քանի միջոցներ են։ Դրանց թիվը անընդհատ աճում է, և առանձին յուրաքանչյուր կազմակերպություն կարող է ներդնել իր ներքին մշակույթին և առանձնահատկություններին համապատասխան գործիքներ։
2019 թվականի ապրիլի 27-ին դարձե՛ք Ջոն Շոուլի «Սպասարկման ռազմավարություններ» սեմինարի մասնակից և գտե՛ք Ձեր կազմակերպության այն առանձնահատկությունը, որի շնորհիվ Ձեր սպասարկումը կդառնա որակյալ և տպավորիչ։
