• Բոլորս էլ հանճար ենք ծնվում, սակայն կյանքն ուղղում է դա:

«Բոլորս էլ հանճար ենք: Բայց եթե ձկանը դատեք իր` ծառ ելնելու կարողությամբ, ապա նա ամբողջ կյանքը կապրի` իրեն համարելով հիմար»:

• Բոլորին վերաբերվե՛ք պատվով և հարգանքով:

«Ես բոլորի հետ խոսում եմ նույն կերպ, անկախ այն բանից, թե ով է` աղբահան, թե համալսարանի նախագահ»:

• Մենք բոլորս միասնական ենք:

«Մարդը այն ամբողջի մասն է, որ մենք անվանում ենք Տիեզերք, մաս՝ սահմանափակված ժամանակով և տարածությամբ: Նա իրեն, իր մտքերն ու զգացմունքները զգում է իբրև շրջապատող իրականությունից անջատ մի բան, ինչը, իր տեսակի մեջ, ուղղակի  գիտակցության օպտիկական պատրանք է: Այդ պատրանքը դարձել է բանտ, որը  փակում է մեզ սեփական ցանկությունների և   նեղ շրջանակի հարազատ մարդկանց հետ կապվածության աշխարհում: Մեր խնդիրն է ազատվել այդ բանտից՝ ընդլայնելով մեր մասնակցության շրջանակը մինչև ցանկացած  կենդանի արարած, մինչև ողջ աշխարհը` իր ամբողջ շքեղությամբ»:

• Պատահականություններ չեն լինում:

«Զուգադիպությունն այն միջոցներից է, որով Աստված պահպանում է իր անոնիմությունը»:

• Երևակայությունը շատ ավելի կարևոր է գիտելիքից:

«Երևակայությունը գիտելիքներից էլ կարևոր է: Գիտելիքները հիմնվում են միայն նրա վրա, թե ինչ գիտենք ինչ ենք հասկանում հիմա, մինչդեռ երևակայությունն իր մեջ է ներառում ամբողջ աշխարհը, և այն ամենը, ինչ մենք երբևէ կհասկանանք և կիմանանք»:

«Ինտելեկտի իրական ցուցանիշը երևաակայությունն է, ոչ թե գիտելիքը»:

«Տրամաբանությունը կօգնի ձեզ Ա-ից հասնել Ֆ-ի, երևակայությունը կանցկացնի ձեզ ամբողջ աշխարհով»:

• Միայնությունը կարող է հիանալի լինել հասուն անհատի համար:

«Միայնությունը ցավալի է, երբ մարդ երիտասարդ է, բայց հիանալի է, երբ մարդ դառնում է ավելի հասուն»:

«Ես ապրում եմ միայնության մեջ. այն երիտասարդների համար զզվելի է, բայց տարիների ընթացքում ձեռք է բերում հիանալի համ»:

«Հանգիստ կյանքի միապաղաղությունն ու միայնությունը խթանում են ստեղծագործական միտքը»:

• Արեք այն, ինչը զգում եք ձեր սրտում, և դուք կլինեք ճիշտ: Ձեզ միևնույն է քննադատելու են ամեն պարագայում:

«Մեծ ուղեղները միշտ բախվում են կատաղի դիմադրությանը միջակների: Միջակները ի վիճակի չեն հասկանալ մարդու, ով հրաժարվում է կուրորեն խոնարհվել ընդունված նախապաշարմունքների առջև, և դրա  փոխարեն խիզախորեն ու ազնվորեն օգտագործում է իր ինտելեկտը»:

• Մեր կյանքում ամենահրաշալի բաները խորհրդավոր են և անհասանելի:

«Եթե  ուզում եք, որ ձեր երեխաները խելացի լինեն, նրանց համար հեքիա՛թ կարդացեք: Եթե ուզում եք, որ նրանք դառնան ավելի խելացի, ավելի՛ շատ հեքիաթ կարդացեք:»

«Երևակայության ձիրքն ինձ համար ավելի մեծ նշանակություն ունի, քան գիտելիքները կլանելու իմ կարողությունը»:

«Ամենահրաշալի բաները, որ մենք զգում ենք, անհնար է բացատրել: Անհասանելին ծառայում է ճշմարիտ արվեստի և գիտության աղբյուր: Նա, ում այս զգացումն անծանոթ է, ով չի կարող կանգ առնել և հիացմունք զգալ անհայտի առջև, կարծես դիակ լինի.  նրա աչքերը փակ են»:

• Կրոնն ու գիտությունը պետք է աշխատեն միասին, ոչ թե միմյանց դեմ :

«Գիտությունն առանց կրոնի կաղ է, կրոնն առանց գիտության` կույր»:

«Գիտնականները եկեղեցու կողմից գնահատվել են որպես մեծագույն հերետիկոսներ, բայց իրականում նրանք կրոնավոր մարդիկ են` Տիեզերքի կարգավորվածության շուրջ իրենց հավատի պատճառով»:

• Ձեր նշանակալի լինելը հաջողությունից էլ կարևոր է:

«Ձգտի՛ր ոչ թե հաջողության հասնելու, այլ օգտակար լինելու»:

«Փառքի գալու հետ ես դառնում եմ ավելի ու ավելի հիմար, ինչն ընդհանուր առմամբ բավականին տարածված երևույթ է»:

• Սխալներն աճի և առաջընթացի նշաններ են:

«Այն մարդը, ով երբեք չի սխալվել, երբևէ նոր բան չի փորձել»:

• Գնահատե՛ք պարզությունը:

«Եթե դուք չեք կարող դա պարզ կերպով բացատրել, ուրեմն այնքան էլ լավ չեք հասկանում առարկան»:

«Ամեն ինչ պետք է ներկայացվի այնքան պարզ, որքան հնարավոր է: Բայց ոչ ավելին»:

• Կուռքեր մի՛ ստեղծեք:

«Ամեն ոք պետք է հարգվի որպես անձ, բայց որևէ մեկը չպետք է դառնա կուռք»:

• Պատիժը մարդուն ավելի լավը չի դարձնում:

«Եթե մարդ հարգարժան է մնում` պատժից խուսափելու կամ մրցանակ ստանալու համար, ապա  ոչ մի լավ բան դրանից դուրս չի գա»:

• Կյանքը ծառայություն է:

«Միայն ուրիշների համար ապրած կյանքը կարելի է  անվանել լիարժեք կյանք»:

«Մարդու արժեքը կայանում էնրանում, թե ինչ է տալիս, և ոչ` նրանում, թե ինչ կարող է ստանալ»:

• Երբեք մի՛ դադարեք սովորել:

«Ինտելեկտուալ աճը պետք է սկսվի ցանկացած մարդու ծննդյան օրից և ավարտվի միայն մահվան պահին» :

• Մի՛ դադարեք հարցեր տալ:

«Սովորի՛ր երեկվանից, ապրի՛ր այսօր, հո՛ւյս դիր վաղվա օրվա վրա: Կարևոր է չդադարել հարցեր տալ:  Հետաքրքրությունն ունի բոլոր հիմքերը`գոյություն ունենալու»:

«Ինձ ու քեզ նման մարդիկ, չնայած բոլորի նման մահկանացու են, երբեք չեն ծերանում, անկախ նրանից, թե ինչքան ենք ապրում: Նկատի ունեմ, որ մենք երբեք չենք դադարի հետաքրքրքասեր երեխաների նման  կանգնել Մեծ Առեղծվածի առջև, որում մենք ծնվել ենք »:

• Ամեն ինչ կախված է ձեզնից:

«Մեր աշխարհը կյանքի համար վտանգավո՛ր վայր է, բայց ոչ այն պատճառով, որ ոմանք չարիք են գործում, այլ այն պատճառով, որ մնացածը տեսնում, բայց ոչինչ չեն անում»:

• Մի՛ վախեցեք արտահայտել ձեր կարծիքը:

«Շատ քչերն են ունակ հանգիստ արտահայտելու իրենց կարծիքը, որ հակասում է հասարակության մեջ գերիշխող նախապաշարմունքներին:  Մարդկանց մեծամասնությունը նույնիսկ ունակ չէ ձևավորել նման կարծիք»:

• Թո՛ւյլ տվեք բնությանը լինել ձեր ուսուցիչը:

«Ավելի խորը նայեք բնությանը, և դրանից հետո շատ բան ավելի լավ կհասկանաք»:

• Փոխե՛ք ձեր գիտակցությունը, և դա կփոխի ձեր կյանքը:

«Աշխարհը, որ մենք ունենք, ստեղծվել է մեր մտածողության ընթացքում: Այն չի կարող փոխվել առանց մեր գիտակցության փոփոխման»:

«Մենք չենք կարող մեր խնդիրները լուծել այն նույն մտածողությամբ, որով ստեղծել ենք դրանք»:

• Կարևորը նպատակն է:

«Եթե ուզում եք երջանիկ կյանք ապրել, պետք է կապված լինեք նպատակներին,  այլ ոչ թե մարդկանց կամ իրերին»:

• Մենք դառնում ենք ավելի երջանիկ, երբ երջանկացնում ենք մյուսներին:

«Ձեզ ուրախացնելու լավագույն միջոցը ուրիշներին ուրախություն պարգևելն է»:

• Դուք որևէ սահմանափակում չունեք, բացի նրանցից, որ ինքներդ եք ստեղծել:

«Միայն նա, ով փորձում է անել անհեթեթը,  կարող է հասնել անհնարինին»:

«Ահա այն հարցը, որն ինձ երբեմն անհանգստացնում է ՝ ե՞ս եմ խենթ, թե՞ բոլոր մյուսները»:

• Ճիշտ քայլերը ոչ միշտ են ձեզ դարձնում պոպուլյար:

«Ինչ ճիշտ է, միշտ չէ, որ պոպուլյար է, և այն ինչ պոպուլյար է, հեռու է մշտապես ճիշտ լինելուց»:

• Դժվարությունները նվիրում են նոր հնարավորություններ:

«Խառնաշփոթի մեջ փնտրե՛ք պարզություն: Դիսոնանսի մեջ փնտրե՛ք ներդաշնակություն: Խոչընդոտների մեջ գտե՛ք հնարավորություններ»:

• Դուք չեք կարողանա հասնել խաղաղության՝ գործադրելով ուժ:

«Երբեք չի կարելի հասնել խաղաղության ուժի միջոցով: Դրան հասնում են միայն փոխըմբռնման միջոցով»:

«Չի կարելի միաժամանակ կանխել պատերազմը և պատրաստվել դրան»:

• Մանրուքներ չեն լինում:

«Նա, ով անզգույշ է ճշմարտության հետ մանրուքների մեջ, վստահություն չունի նաև կարևոր բաներում»:

• Քայլե՛ք ձեր ճամփաներով:

«Նա, ով հետևում է ամբոխին, որպես կանոն, ամբոխից հեռու չի գնա: Նա, ով քայլում է ինքն իրեն, հավանաբար կկարողանա լինել այնպիսի վայրերում, որտեղ ոչ ոք երբևէ չէր եղել»:

• Լսե՛ք ներքին ձայնը:

«Ինտուիցիան սուրբ պարգև է, իսկ ռացիոնալ միտքը՝ հավատարիմ ծառա: Մենք ստեղծել ենք մի հասարակություն, որը պատիվներ  է մատուցում  ծառային և մոռացել է պարգևի մասին»:

«Ես երբևէ չէի կատարի հայտնագործություններս ռացիոնալ մտածողության ընթացքում»:

• Իմաստնությունն ուսուցման արդյունք չէ:

«Իմաստնությունը ոչ թե ուսուցման արտադրանքն է, այլ ամբողջ մի կյանք ձգվող փորձը` այն ձեռք բերելու»: