Նախ եկեք հիշենք այն սուպերմարկետը, որից պարբերաբար գնումներ ենք կատարում: Այն ապրանքները որոնք մենք գնում ենք, սովորաբար խանութի մուտքից շատ հեռու են գտնվում, իսկ նրանց հասնելու ճանապարհին կան մի շարք թակարդներ, տրիգերներ, որոնք ազդում են գնումներ կատարողի վարքագծի վրա, մինչ մենք հասնում ենք մեր ապրանքին, դա մի մեծ ժամանակահատված և տարածություն է մեզ այլ բան վաճառելու համար:

«Երկուսը` մեկի գնով» «Միասին ավելի մատչելի է» «Գնի՛ր սա, կստանաս մյուսը անվճար», սրանք այնպիսի առաջարկներ են, որոնց կողքով հնարավոր չէ անտարբեր անցնել: Այնուհետև առանձին հացաբուլկեղենի թխման բաժինը ախ այդ բույրերը) անկեղծանանք քանի անգամ եք գնացել անուշ բույր ունեցող հացաբուլկեղենի բաժին ու միանգամից սով զգացել, (ես ամեն անգամ մտնելուց): Կարևորներից մեկը, որը կցանկանամ և անհրաժեշտ է նշել՝ դա դանդաղ, հանգստացնող և զգացմունքային  երաժշտությունն է, որպեսզի մենք որքան հնարավոր է երկար ժամանակ անցկացնենք խանութում` ընկնելով «թակարդը»: Սրանք հոգեբանական հնարքներ են, որոնք մեծացնում են շահույթը: Սա սովորական է, և բոլորին հայտնի, բայց դեռ աշխատում է, քանի որ միջին գնորդի վարքագծի մոդելները երբեք չեն փոխվում: Իսկ երբ պոտենցիալ հաճախորդի հետ շփվում է արդեն վերապատրաստված խորհրդատուն «էական չէ, հեռախոսազագով թե անձամբ»  հոգեբանական հնարքները ավելի են մեծանում:

Ինտերնետ վաճառքը շուկայական վաճառքից տարբերվում է միայն նրանով որ  մարդիկ ապրանքը  միայն էկրանից այս կողմ են տեսնում, և չեն կարող շոշափել,, փորձել, նույնիսկ գնահատել իրական չափը: Հենց դրանից էլ մարդկանց մոտ առաջանում է ապրանքը օնլայն գնելու վախ, որը կարելի է վերացնել տալով ապրանքի մասին հստակ և բավարար ինֆորմացիա: Մնացած հնարքները աշխատում են նույն կերպ:

ՀՆԱՐՔՆԵՐ ՈՐՈՆՔ ՕԳՆՈՒՄ ԵՆ   ՄԵԾԱՑՆԵԼ ՎԱՃԱՌՔՆԵՐԸ

Առհասարակ մարդիկ գնում են կոնկրետ ապրանք, որը կօգնի լուծել իրենց կոնկրետ խնդիրը: Օրինակ` Քոփիրայթինգի դասընթաց` սովորեք գրել ավելի էմոցիոնալ, ստանալ ավելի շատ պատվերներ, և մեծացնել եկամուտները:

Հետևաբար առաջին խնդիրը արտադրանքը հաճախորդին վաճառելն է ` պատմել նրան թե ինչու գնել ապրանքը, ինչ խնդիր կլուծի ապրանքը իր կյանքում, ինչ օգուտ կստանա ապրանքի օգտագործումից:

• Պատմեք Պատմությունը

Մենք սիրում ենք լսել պատմություններ, կարդում ենք գրքեր, դիտում ֆիլմեր, հեռուստահաղորդումներ, TV շոուներ : Միշտ գտնում ենք որևէ հերոս, որի մեջ տեսնում ենք ինքներս մեզ, հպարտանում, և երբեմն փորձում ձեռք բերել իրենց վարքի մոդելը:

Եթե մեր թիրախային լսարանին պատմենք թե ինչպես  ոմն X մարդը, օգտագործեց տվյալ արտադրանքը և հասավ իր նպատակին, կամ հոգաց իր կարիքները, մարդիկ X մարդու օրինակը վերցնելով իրենց վրա` պատկերացնում են թե ինչպես է արտադրանքը լուծում իրենց խնդիրները մնում է միայն գնել և օգտագործել այն:

• Ցույց տվեք մարդկանց զգացմունքներ

Մարդիկ սիրում են դիտել, հետևել մարդկանց, հատկապես երջանիկ, և իրենց նման: Մենք հեշտությամբ կարդում ենք զգացմունքները դեմքի վրա, հիմնականում աչքերի և շուրթերի վրա:

Եթե լուսանկարում անձը երջանիկ է, իսկ երջանիկ նրան դարցնում է ձեր ապրանքը, ապա հաճախորդը կցանկանա գնել այդ ապրանքը, որպեսզի ինքն էլ ունենա նման զգացողություն: Beavers brothers թվային մարկետինգով զբաղվող ընկերության հիմնադիր տնօրեն Ալեքսանդր Ուստինովը պատմում է իրենց առաջ դրված մի խնդրի մասին առաջարկել IT մասնագետներին անվճար ուսուցման մեկ կուրս, որը կօգնի իրենց հետագայում կողմնորոշվել արագ փոփոխվող շուկայում: Վերլուծելով վաճառքները պարզեցին որ իգական սեռի ներկայացուցիչները ավելի դժկամությամբ են գրանցվում, հետևաբար առաջին վարկածը կանանց համար առանձին էջ բացելն էր, և այյլ կոնտենտ մշակելն էր: Նոր էջը տարբերվում էր նրանով որ այնտեղ կար իգական սեռի ներկայացոիցչի նկար, և ամբողջությամբ հասցեագրված էր կոնկրետ կանանց համար: Այդ փոփոխություններից հետո վաճառքները իգական սեռի կողմից ավելացան 2 անգամ:

• Արթնացրե՛ք հավատ

Գնորդը իսկզբանե չի հավատում Ձեզ, մտածելով ապրանքը վաճառում եք ոչ թե հանուն ԻՐ այլ Ձեր շահի, մեծ մասամբ նա ճիշտ է: Երկու վաճառողներից նա միշտ ընտրում է նրան, ում մասին ուրիշները լավ են արձագանքում, կամ այն մեկին որը վստահություն առաջացրեց: Կարճ ասած դարձե՛ք այն վաճառողը, որին կհավատան:

• Եվ վերջապես տվե՛ք փորձելու հնարավորություն

Պոտենցիալ հաճախորդին կարող եք տրամադրել ծառայությունից 7-14 օր անվճար օգտվելու հնարավորություն:

• Եթե վաճառում եք `թրեյնիգներ ապա` անվճար դասընթաց:
• Եթե հագուստ կամ զարդեր ապա` հետվերադարձ, փոխանակում, անվճար առաքում:
• Ապրանքի թեստավորում անելու, կամ իր վրա փորձելու հնարավորությունը, գնորդին տալիս է իրական օգտագործման փորձ, որն էլ արթնացնում է վստահություն: Բոլորս էլ գիտենք, որ մեր սիրելի բիզնեսի հետևում կանգնած է մեկը, կամ մի մեծ թիմ: Հարկավոր է շփվել հաճախորդների հետ, կիսվել աշխատանքային խոհանոցի նորություններով, պահպանել հետադարձ կապ:

Օգտագործե՛ք այս հնարքները, և կիսվե՛ք Ձեր ձեռքբերումներով: